تاند (یک شنبه، د سنبلې ۱۶) ټاکل شوې نن له غرمې وروسته د افغانستان کورنی شپږيزه کرېکټ ليګ پيل شي.
د دغه لیګ پيل لوبه به د بندامير ښامارانو او مس عينک اتلانو ترمنځ له غرمې وروسته ترسره شي.
د شپږیزه کرېکټ لیګ سیالیو پرانیسته تېره شپه وشو، چې په کې افغان ولسمشر محمد اشرف غني او د هغه لومړي مرستیال امرالله صالح هم ګډون کړی وو.
په لیګ کې شپږ لوبډلې، بندامير ښاماران، مس عينک اتلان، سپين غر زمريان، بست ساتونکي، امو نهنګان او کابل بازان لوبیږي.
د شپږيزې کرېکټ ليګ اووم پړاو نن د سپټمبر په ۶مه پيلېږي او د ۱۱ ورځو لپاره د سپټمبر تر ۱۷مې نېټې دوام کوي.
دغه ليګ کې سږ کال د افغان کرېکټ درې مخکښ لوبغاړي راشدخان، محمدنبي او مجيب الرحمن په نورو نړيوالو ليګونو کې د بوختیاوو له کبله نه لوبېږي.
دغه راز درې نور نجيبالله ځدراڼ، ظاهرخان او نوينالحق بيا وروستيو لوبو ته را رسېږي.
یاد شپږ افغان لوبغاړي اوس مهال د ويسټ انډيز په غوره ليګ کې په لوبو بوخت دي.