ژباړن: حزب الله اتل
————–
قاضي: نوم دې؟
برشت: خپله پوهېږې!
قاضي: پوهېږم؛ اما که تاسو یې بیا هم ووایاست ښه به وي.
برشت: ښه، تاسو ما د همدې نوم په پلمه محاکمه کوئ، نو ولې زه بیا هم تاسو ته خپل نوم ووایم؟
قاضي: په هر حال، باید خپل نوم و وایې؟
برشت: ما وویل، چې زه برشت یم!
قاضي: واده دې کړی؟
برشت: بلې!
قاضي: له چا سره؟
برشت: له یوې ښځې سره. ،، خندا، هاهاهاها
قاضي: تاسو د محکمې کارونه مسخره کوئ؟
برشت: نه داسې نده.
قاضي: نو بیا ولې وایې، چې له یوې ښځې سره مې واده کړی؟
برشت: هغه ځکه، چې په واقعي مې له یوې ښځې سره واده کړی!
قاضي: تا تر اوسه څوک لیدلي، چې له یو سړي سره یې واده کړی وي؟
برشت: بلې!
قاضي: څوک دی؟
برشت: زما مېرمن، هغې له ما سره واده کړی.
( برتولت برشت، مشهور المانی لیکوال دی)
په دا سهار دې وخندولم 🙂