«لفظي عکسونه» د لیکوال او نقاد ښاغلي نعمتالله صديقي نوی د «خاکو» کتاب دی چې اوس اوس په جلال اباد کې له کلاسیک خپرندوی مرکز له خوا چاپ شوی دی. په دې کتاب کې لیکوال د «۱۵» بېلابېلو شخصیاتو په اړه «خاکې» لیکلې دي او هڅه یې کړې چې د هر شخصیت ځانګړنې، عادتونه او فکري بڼه په لنډو خو مانادارو لیکنو کې لوستونکي ته وروپېژني.
د دې کتاب خاکې د واقعي خلکو او ټولنیزو څېرو پر بنسټ ولاړې دي. لیکوال د ساده او روانې ژبې له لارې د شخصیاتو ظاهري او باطني اړخونه انځور کړي دي، د هرې خاکې له لوستلو سره د هغه کس یو روښانه انځور په ذهن کې جوړوي. په دې لیکنو کې نه مبالغه شته او نه اوږدوالی، بلکې خبرې په خپل وخت او ځای کې ویل شوې دي.
په ټوله کې، «لفظي عکسونه» د لوست لپاره یو اسانه او خوندور کتاب دی. دا کتاب د هغو لوستونکو لپاره مناسب دی چې د شخصیتمحورو خاکو لوستل خوښوي او غواړي د پښتو ادب په دې ځانګړي ژانر کې له یوه نوي اثر سره بلد شي.
مبارک دي وي.
مبارک شه