د درد ضد درمل هغه دي، چې استعمال يي ډېر عام دی او ډېری خلک يې د تبې، زکام، سر درد یا نورو دردونو د له منځه وړلو لپاره کاروي.
خو د اوږدې مودې لپاره دغه عادت د ګټې پر ځای زیان لري او ژوند له ګواښ سره مخ کوي.
د ټایوان ملي پوهنتون د روغتون یوې څېړنې پایلو ښودلې، چې درد له منځه وړونکي درمل د زړه د حملې خطر درې چنده زیاتوي او د انسان ژوند له ګواښ سره مخ کوي.
د دې څېړنې لپاره په ټایوان کې د اوو کلونو په جریان کې، روغتون ته د زړه حملې له امله مراجعه کوونکو ۱۰ زرو ناروغانو معلومات د دې لپاره چې درد وژونکي درمل د زړه حملې پر خطر څومره اغېز لري؛ ټول او وڅېړل شول.
له پایلو یې معلومه شوه چې د زکام او نورو عامو ناروغیو پر مهال درد وژونکي درمل کارول د زړه د حملې خطر ۳.۴ چنده زیاتوي.
همدا راز په روغتونونو کې د ناروغانو په سیروم کې دغه ډول درمل اضافه کول، د زړه د حملې خطر ۷.۲ چنده زیاتولی شي.
څېړونکي وايي چې د دغه ډول درملو د استعمال او د زړه حملې ترمنځ د اړیکې د تایید لپاره نورو روغتیايي څېړنو ته اړتیا ده.
حمیدالله حمیدي
د درد ضد درملو له زیاتې کارونې ډډه وکړئ
