محمدابراهیم سپېڅلی
۱: (د زړه خواله )
دا کتاب د استاد عبدالرؤف بینوا لیکلی نثری اثر دی، چي درېیم وار په ښکلي صحافت په کندهارکي د علامه رشاد خپرندویه ټولني لخوا د زر ټوکو په تیراژ خپور سوی دی.
دغه کتاب ۶۴ مخونه لري، چي د استاد بینوا ( ۲۱) نثرونه په ښکلي پښتۍ کي لوستونکو ته وړاندي کوي.
۲: (نېرنګ عشق)
دا د پښتو ژبي د نازکخیال دېواني شاعر حمید بابا له فارسی څخه ژباړه ده.
دا کتاب هم په کندهارکي د علامه رشاد خپروندويه ټولني لخوا په ښکلي صحافت د ( ۵۰۰) ټوکو په تعداد خپورسوی دی.
پریاد کتاب سریزه، سمون، لمنلیکونه، وییپانګه او تعلیقات د پښتو ژبي وتلي څېړونکي استاد معصوم هوتک لیکلي دي.
دغه کتاب ( ۳۲۰) مخونه لري او په لومړي وار په دومره ښه او مکمل ډول خپریږي.
په کندهارکي د علامه رشاد خپروندویه ټولني مشر پوهنیار مطیع الله روهیال وايي، پلان لري، چي یوشمیر دغسي نور علمي کتابونه هم خپاره کړي.
تردې وړاندي هم یادي خپروندویه ټولني تر سلو ( ۱۰۰) زیات مهم مغتنم کتابونه خپاره کړي دي.