تاند- یو نوی اپلیکېشن جوړ شوی چې د مصنوعي ذهانت یا ارتیفیشل انټلیجنس په مرسته او د انسان د فعالیت د اندازې پر اساس د هغه عمر اټکلوي.
د مېل بریتانیايي ورځپاڼې د راپور له مخې، له ډېرو مودو راهیسې انسانان غواړي چې د خپل عمر په اندازې وپوهېږي خو داسې هیڅ وسیله نه وه چې د انسان د عمر آتکل پرې وشي.
اوس یو اپلیکېشن جوړ شوی چې د عمر اټکل کوي.
طبعاً د دې مطلب دا نه دی چې دقیق وخت ښودلی شي.
دا اپلیکېشن ګیرو (Gero) نومېږي او د مصنوعي ذهانت په مرسته د موبایل د خاوند د سپیدامیتر یا سرعت مېچ معلومات تحلیلوي او د هغه عمر سنجوي.
دا اپلیکېشن د انسان د فعالیتونو، روغتیايي وضعیت، جنسیت او عمر په شان معلومات تحلیلوي او بیا اټکل کوي.
تراوسه حرګنده نه ده چې د دې اپلیکېشن تحلیل یا اټکل څومره دقیق دی.