استاد محمد معصوم هوتک
ساندو بیا ونـــــــــــیاوه مخ د ادب کور ته
د بختان وړانگه غوټه سوه تیاره گور ته
د پښتو په چـــــــــوپړ ستړی خدمتگار مو
جگه غاړه ســـــــــو تسلیم د مرگي پور ته
زمانه د مــــــــــــــــرگ و ژوند اوږده لړۍ ده
غځېدلې مخ و شـــــــــــــــــاته کښته پورته
” دوا” نسته د اجل رنځ دئ مرگــــــــــــوني
” خدمتگار عبدالله” ولاړئ د حق لور ته
ـــــــــــــــــــــــــــ
آشاوا ـ کاناډا
۲۴ فبروري ۲۰۱۸ع
حل:
“خدمتگار عبدالله” تاریخي ماده ده چي ابجدي ارزښت ئې(۱۴۰۷) کېږي. له دغي مادې څخه چي د “دوا” ابجدي قیمت (۱۱) د (نسته) په قرینه منفي سي، ۱۳۹۶ پاتېږي. ارواښاد عبدالله خدمتگار بختانی د ۱۳۹۶ ش کال د کب پر پنځمه د شنبې په ورځ وفات سو. خدای دې وبخښي.