غزل
سپينه او نازكه اينه جنۍ
ما ورباندې ايښی نوم، چينه جنۍ
تانه تللی تاته راستون شوی يم
ته مې يې مکه او مدينه جنۍ
ستا تصوير ته هر وخت سترګې زبېښمه
زه هم دومره نه يم نارينه، جنۍ
سور الوان ټېکري نه ټوټه بيله کړه
زړه باندې مې کېږده يوه پينه جنۍ
هسې دې په هر پوست کې اډ کړی يم
ټول فيس بوک اخيستې ده کينه، جنۍ
غزل
زه يې جار، په هر نظر کې راسره ده
ځوانيمرګه په دفتر کې راسره ده
په لايكونو، كمنټونو کې مسکۍ ده
په فيس بوک او توېټر کې راسره ده
زه د چايو هر گيلاس كې يې شريک يم
دا شريکه به برګر کې راسره ده
زه چې اوټ نه يم ولاړ په ژوند وېکټو
دا په هر يو تېر اوور کې راسره ده
زه د دې زړګي له تله ورسره يم
دا د دې زړګي په سر کې راسره ده