تاند- امریکايي ساینسپوهانو د لومړي ځل لپاره په ۳ ډي یا درې بعدي چاپ داسې نرم روبوټ جوړ کړ چې په کنډو کپرو یا نا هواره ځای کې تګ کولی شي.
د ساینس ډیلي ویبپاڼې د راپور له مخې، دا روبوټ، چې له خنډونو تېرېدای شي او پر هر ډول لاره ګرځېدای شي، د متحدو ایالتونو د کلیفورنیا پوهنتون انجینیرانو جوړ کړی دی.
تراوسه پورې هغه روبوټونه چې په لاره تللی شوای، یوازې پر مځکه څکېدل یا ښویېدل خو دا نوی روبوټ د انسان په شان پل اخلي.
دا روبوټ به د روانې مې په پای کې د سینګاپور د روبوټونو او اتومات وسایلو په نړیوال کنفرانس کې نندارې ته وړاندې شي.