د مور د ورځې په پلمه
یو کال واوښت، بیا د می میاشت ده چې کومه ورځ یې د مور د ورځې په نامه نومول شوې ده، په هر هیواد کې یې د لمانځلو نیټې توپیر سره لري، په ډنمارک کې د می په څوارلسمه نیټه لمانځل کیږي.
ما تیر کال په می میاشت کې د مور د درناوي په پار، د مور په باب د یوه ورک ماشوم خبرې، را اخیسټې وې چې ښاغلي اجمل روهي په هنرمندانه ډول ژباړلې وې؛ سږ هم غواړم بیا د تولستوی هماغه خبرې یو ځل بیا را واخلم:
د مور د ورځې له پاره:
څوک تر ټوله ښه ده؟
لیکوال: ل. ن. تولستوی،
ژ: اجمل روهي،
«په کوڅه کې، د بیروبار په منځ کې، ماشومه ورکه شوې وه، منډې او چیغې وهي، مور لټوي خلک له ماشومې پوښتي:
مور دې څوک ده و جینۍ؟
ماشومه په داسې حال کې چې اوښکې یې بهیږي، په ځواب کې وایي:
نو تاسې په دې نه پوهیږئ؟ زما مور هغه ده، چې تر ټولو ښه ده.»
پای