تاند ( سه شنبه، د اسد ۷) د چارو ادارې په یوه تازه خپره کړې خبرپاڼه کې له لوړ پوړو دولتي چارواکو غوښتي، چې خپلې شتمنۍ د روان کال د زمري تر ۱۳مې نیټې ثبت کړي.
سرچینې خبرداری ورکړی، که تر یادې نیټې لوړ پوړي چارواکي خپلې شتمتنۍ رسمي ثبت نه کړي نومونه یې اعلانوي.
د کابینې د پرېکړې په اساس د ملي شورا د وکيلانو په ګډون د حکومت ټول لوړپوړي چارواکي مکلف دي، چې د روان کال د زمري تر شپږمې خپلې شتمنۍ د جمهوري ریاست د چارو ادارې په لوی ریاست کې د شتمنیو د ثبت له ریاست سره ثبت کړي.
خو اوس لیدل کیږي،چې د شتمنیو د ثبت په اړه د کابینې له لوري دغه ټاکل شوی وخت د حکومت یوه لویه برخه چارواکو جدي نه دی ګڼلی.
دچارو اداره وایي تر اوسه ډیرو خپلې شتمنۍ د چارو ادارې د لوی رياست اړوند د شتمنيو د ثبت په رياست کې نه دي ثبت کړي.
سرچینې پرېکړه کړې، چې د ټاکلې نېټې ترپای ته رسېدو وروسته به د ټولو هغو حکومتي چارواکو نومونه خپاره کړي، چې خپلې شتمنۍ یې نه دي ثبت کړي.