تاند ( سه شنبه، د اسد ۷) د عراق پلازمینه بغداد کې د لاریون کوونکو او پولیسو ترمنځ اخ ډب شوی، چې له امله یې ۳۱ کسانو ته مرګ ژوبله اوښتې ده.
د رسنیو د راپورونو له مخې اوس هم په بغداد کې سخت لاریونونه روان دي.
سرچینې وايي د پولیسو او لاریون کوونکو ترمنځ په دې نښته کې یوکس وژل شوی او ۳۰ نور ټپيان شوي دي.
بل لورته د عراق حکومت بیا ویلي، چې دوی به د لاریون کوونکو د وژل کېدو قضیې په دقیقه توګه څېړي او پر امنیتي چارواکو یې غږ کړی، چې د خلکو خوندیتوب ته پام وکړي.