ژباړه: حمیدالله حمیدي
څېړونکي وایي، زیات لامبل وېښتانو ته زیان رسوي.
د Helthdailynews د راپور له مخې د (یوتا) پوهنتون څېړونکو ثابته کړې چې له کچې زیات حمام کول د وېښتانو لپاره د ګټې پر ځای زیان رسوي.
د راپور له مخې، د جینیټیکي علومو دغه مرکز وایي چې زیات لامبل پر پوست د ځینو ګټورو باکتریاوو د له منځه وړو لامل کېږي. دغو څېړونکو پر دوو ډلو کسانو چې یوې یې په اونۍ کې درې ځله او بلې یې په اونۍ کې هره ورځ د خپل سر وېښتان مینځل څېړنه کړې ده. په پایله کې ثابته شوې، هغه کسان چې هره ورځ یې لامبل وېښتان یې کمزوري او د ناروغیو پر وړاندې یې د بدن مقاومت هم کمزوری ښودل شوی دی.
دوی د دغه توپیر اصلي لامل او د بېلا بېلو شامپوګانو کارول ښودلي چې د پوست ګټورې باکتریاوې له منځه وړي او وېښتان ورسره کمزوري کېږي.
اوس به نو زمونږ خلک ښه ولامبي. داسې وایه چې که پخوا یې په اونۍ کې یو ځل لمبل اوس به په میاشت یا دوو کې یو ځل لامبي.