تاند ( شنبه، دسرطان ۲۸) د کونړ ولایت چارواکي وایي د دې ولایت اسمار ولسوالۍ د خوشال تالې په سیمه کې د لشکر طیبې ډلې اوو غړو ته مرګ ژوبله اوښتې ده.
د کونړ د والي ویاند عبدالغني مصمم وایي، تیره شپه د ملي امنیت ځواکونود لشکرطیبې وسله والې ډلې په مرکز توپچی عملیات ترسره کړي، چې پرمهال یې د یادې ډلې ۳ غړي وژل شوي او ۴ نور ټپيان دي.
مصمم زیاته کړه ، چې د ملي امنیت په دې عملیاتو کې د لشکر طیبه ډلې مرکز په پوره توګه له منځه تللی دی.
د نوموړي په خبره په یادو عملیاتو کې یو شمیر درنې او سپکې وسلې هم د ملي امنیت ځواکونو ته په لاس ورغلي دي.
د مصمم په خبره په دې عملیاتو کې ملکې خلکو ته کوم زیان نه دی اوښتی.
بل لورته د لشکر طیبې ډلې تراوسه په دې تړاو غبرګون نه دی ښودلی.
دا لښکر خو طیبه نه دی کثافت دی
چې یې وړی له مسلم څخه عزت دی
نه اسلام ورپکې شته دی نه څه رحم
یو هدف یې د افغان د قوم ذلت دی
نه په لار دخدای روان نه د رسول دي
د اسلام تر پردی لاندې شرارات دی
د اسلام په نوم یې ټول مسلم بدنام کړ
د زاړه انګریز میراث ور رسیدلی
لویه هیله یې پر مونږه حکومت دی
ما ببرک دوزخ قبول په دوه چشمانو
خدایه دا که دی لښکر دشریعت دی