یو څوک شته دی چې ما څاري
ان له لرې ـ لرې ـ لرې
خوښوې زما شعرونه
او ساده باسي خبرې
په ظاهره کې به داسې
چې ته وا رانه یې کرکه
خو په ما کې لټوي دا
خپله مینه، خپله ورکه
کمنټونو کې به نه وي
په لایکونو کې مسکۍ ده
ما ترې جار او صدقه کړې
چې دا څرنګه جلکۍ ده؟
غرونه ـ غرونه فاصلې دي
خو زړګي ته مې نېږدې ده
قدمونه مې چې شمارئ
دا دعا خو د هغې ده
دا نن بیا پسې خپه یم
دا نن بیا راته یادېږي
لکه دوه ګوتې چې موښې
زړه مې داسې – داسې کېږي