تاند (دوشنبه، د سرطان ۱۶) لوړو زده کړو وزارت وايي چې د کانکور په اړه یې وروستۍ پریکړه کړې ده
د لوړو زده کړو وزارت ویاند محمد حنیف فرزان وايي، چې د کانکور لومړۍ ازموینه به په قندهار ولایت کې د روانې سرطان میاشتې په ۲۹ واخیستل شي.
دغه ازموینه د کرونا ویروس د خپرېدو له امله ځنډول شوې وه.
د کانکور ازموینې ملي اداره وايي چې په راتلونکې یوه نیمه میاشت کې به د روغتیايي تدابيرو په پام کې نيولو سره دغه ازموینه واخیستل شي.
ټاکل شوې سږ کال دکانکور په ازموینه کې له ټول افغانستان څخه ۲۰۰ زره زده کوونکي ګډون وکړي.