تاند (یکشنبه ، د سرطان ۱۵) د مایکروسافټ د کمپنۍ بنسټګربیل ګېټس وایي د کورونا وبا په پراختیا کې ټولنیزې رسنۍ ملامته دي.
بېل ګېټس وایي د کویډـ۱۹ په پراختیا ې ټولنیزې رسنۍ مسؤولې دي.
هغه په ټولنیزو رسنیو کې دا پړه تر ډیره په ټویټر او فیسبوک ځکه اچولې، چې وایي د دې نړیوالې وبا په اړه یې ناسم معلومات خپاره کړي.
نوموړی وايي د یادو رسنیو کاروونکود ناسمو معلوماتوپه خپرولو سره خلک د دې ناروغۍ پر وړاندې بې پروا کړي دي.
بېل ګېټس زیاته کړې، سره له دې چې ټولنیزې رسنۍ د دې ته ورته مسائلو برخه کې خورا ګټورې دي خو په خبره یې بیاهم همدا رسنۍ افواهات او غلط نظریات خپروي.
د نوموړي په خبره یاد خپرو شویو غلطو معلوماتو ډیر خلک دې ته وهڅول چې خلک ماسک ونه کاروي او عام خلک د یادې ناروغۍ پر وړاندې د مبارزې لپاره د واکسینونو په اړه دسیسو ته هوا ورکړي.
هغه ویلي، چې دا چاره انساني فاجعه رامنځته کولی شي.
د مایکروسافټ د کمپنۍ بنسټګر بیل ګېټس دغه راز ټینګار کړی، چې د دې وژونکې ناروغۍ لپاره باید واکسین جوړ او دا واکسین د یو هېواد لپاره نه بلکې د ټولې نړۍ لپاره وي.
بل لورته روغتیاپالان هم په وار وار خلکو ته د روغتیايي لارښوونو د عملي کیدو خبره کوي او وایي که عملي نه شي نو امکان شته چې کرونا وبا بیا ځلي له دې هم جدي ګواښ جوړ شي.