تاند (یکشنبه، د سرطان ۱۵) ایران کې دګازو د تولید او چاڼ په یوه مرکز کې ۷۰ کسان مسموم شوي
د ایراني رسنیو د راپورونو په اساس د یوې تخنیکي ستونزې له امله د ګازو د تولید او چاڼ په دغه مرکز کې له یوې لویې نل لیکې ګاز خپور شوی دی، چې ۷۰ کسان یې مسموم کړي دي.
ویل کېږي چې د اور وژنې ډله شاوخوا نیم ساعت وروسته په دې بریالۍ شوې چې د ګازو د لا پراختیا مخه ونیسي.
ایراني چاروکي وايي چې دغه پېښه به په جدي ډول وڅیړي او معلومات به یې وروسته له رسنیو سره شریک شي.
د چارواکو په خبره د ځینو مسموم شویو کسانو حالت د ډاډ وړ او له روغتون څخه رخصت شوي دي.
د یو بل خبر له مخې د بریښنا د تولید په یوه لوی مرکز کې اورلګېدنه رامنځته شوې ده، خو ایراني چارواکو یې تر اوسه په اړه معلومات نه دي ورکړي.