تاند، یکشنبه، د سرطان ۸مه: د عامې روغتیا وزارت وايي، په تیرو ۲۴ ساعتونو کې په یاد هیواد کې د کورونا ویروس ۳۵۱ مثبتې پېښې ثبت شوي او ۲۰۰۴ تنه ترې روغ شوي دي
روغتیا وزارت نن یکشنبه ویلي چې د تېرې ورځې راپدېخوا د کورونا ویروس د ۷۰۱ مشکوکو سمپلونو معاینات شوي چې۳۵۱ یې مثبت او پاتې منفي ثابت شوي.
د یاد وزارت د رسمي معلوماتو په اساس په دې سره په افغانستان کې په کورونا ویروس د اخته کسانو شمېر ۳۰۹۶۷ تنو ته لوړ شو.
له یادو پېښو څخه۲۲۰ په کابل، ۲۴ هرات، ۱ کندهار، ۵ ننګرهار، ۱۲تخار، ۱۱بغلان، ۷ لوګر،۱۱ بادغیس، ۱۷کندوز، ۲ پروان، ۳ میدان وردګ، ۱۵بدخشان، ۱۰دایکنډي، ۷ کاپیسا، ۱ پنجشیر او ۵ په زابل ولایت کې ثبت شوي دي.
د روغتیا وزارت په وینا په تیره یوه ورځ کې ۲۰۰۴ تنه د کوروناویروس له ناروغۍ نه بیرته روغ شوي چې پدې سره د ټولو بیرته جوړو شویو کسانو شمېر ۱۲۵۸۸ تنو ته ورسېد.
د یادو کسانو لویه برخه چې ۱۸۸۵ تنه کیږي یوازې په کابل ولایت کې بیرته جوړ شوي دي.
همداراز د افغانستان روغتیا وزارت ویلي چې په تیره یوه شپه او ورځ کې اووه ولایتونو کابل، کندهار، تخار، لوګر،بادغیس، میدان وردګ او کاپیسا کې د کورونا ویروس له امله ۳۴ تنه مړه شوي دي.
په دې سره په افغانستان کې د کورونا ویروس له امله د ټولو مړو شوو کسانو شمېر۷۳۷ تنو ته لوړ شو.
د تازه معلوماتو په اساس د نن یکشنبې غرمې پورې په نړۍ کې ۴۹۸۹۰۷تنه د یاد ویروس له امله مړه شوي او نژدې لس میلیونه نور پرې اخته شوي دي.