تاند، سه شنبه، د سرطان ۳مه: د غور امنیتي چارواکي وايي، په دغه ولایت کې یې د فراه لپاره د طالبانو د سرې قطعې قومندان له ۱۰ وسله والو سره وژلی دی.
د چارواکو په خبره طالبانو دغه طالب قومندان د فېروزکوه ښار په څنډه کې د طالب وسله والو د برید پر مهال په دفاعي جګړه کې وژلی دی.
د غور د امنیه قومندانۍ ویاند وايي، قومندان راشد د فراه لپاره د سرې قطعې قومندان و او د فېروزکوه ښار په اړوندو کې وژل شوی دی.
نوموړی وايي، په نښته کې د طالبانو ګڼ جنګیالي ژوبل شوي هم دي او وسلې هم ترې پاتې شوې دي.
طالبانو په دې تړاو څه نه دي ویلي، خو د ملي امنیت شورا وايي، طالبانو یو وار بیا جګړې ته شدت ورکړی او تېره اوونۍ یې د ۲۹۱ افغان سرتېرو په وژلو د ۱۹ کلونو تر ټولو خونړۍ اوونۍ ثبت کړه.