جمعه, مارچ 29, 2024
Homeادبشعرشپه اوګلغوټۍ/ عبدالغفور لېوال

شپه اوګلغوټۍ/ عبدالغفور لېوال

ګلغوټۍ !

شپه ډیره اوږده ده ، دیلدا شپه ده

داورلمبه مړاوې تودوخه لري ، سوز نه لري

لوګی کړۍ کړۍ پرخیال

                             داستادزلفوڅانګې نه شي ایستی .

مالیوني ته وایه

دڅيلې شپه ګوره او خیال دګلغوټۍ وګوره

ګلغوتۍ !

چیرې یې چې مرم درپسې ؟

ما دغمونو پنډ په شا راوړی

مادمرګونو ، سیاستونو ،

                             وږیو بربنډو ارواوو شورماشور

                                                                                         ایله ترتاراوړی

ژوندمې لوګی کړ ، خو داستا پرزلفوناست ګرد ته هم ونه رسېد.

ګلغوټۍ !

مینه په ( بازار) کې نه شته

مینه خوستادرغوي منځ کې دتودوخې خوند و

چې یې څو ژمي زما لاسونو ته ( مانا) بښله .

ګلغوټۍ !

چېرته ولاړشم

که یوه ورځ له هغو ورځو څخه بیا ووینم

چې به د واورو سپینې سپینې بتې

ستا پرپیکي یوه یوه کیناسته

تابه تودوخه ، څه موسکا او دسنځلو عطر

زما په اروا وشیندل .

ګلغوټۍ !

ستوري هم مانا نه لري

لمر دومره سپک دی

                  لکه زما له سورۍجورابې نه وتلې پونده

له کتابونو نه مې کرکه کیږي .

چې ته یې ونه لولې ،

هغو شعرونو نه مې کرکه کیږي .

ګلغوټۍ !

سوزمه دژوند له اوره

خولاڅپې څپې روان یمه دعشق له شوره

څومره ساده خلک دي ،

چې خبرنه دي ستا ددومره ډير ښایست له زوره

په دغې تورې ،

دې اوږدې

او دې تیارې یلدا کې

څوک شته ، چې غږمې واوري؟

ګلغوټۍ !

مرم درپسې !

د‍۱۳۹۳ یلدا

LEAVE A REPLY

Please enter your comment!
Please enter your name here

- Advertisment -

ادب