تاند (سه شنبه د ثور/ غويي ۱۵مه) د پاکستان د پارلمان پخوانی غړی او دیني عالم شیخ ادریس د ناپېژاندو وسلهوالو په ډزو کې ووژل شو.
پاکستاني رسنیو نن سهشنبه دغه خبر خپور کړی دی.
رسنیو په خپلو راپورونو کې ویلي چې، وسلهوالو سهار مهال د خیبرپښتونخوا ایالت «چارسده» سیمه کې د هغه پر موټر ډزې وکړې.
سرچینو ویلي چې،هغه ځای پر ځای ساه ورکړې او دوه ساتونکي یې سخت ټپیان شوي چې روغتون ته لېږدول شوي.
پولیسو سیمه محاصره کړې او د وسله والو لټون یې پیل کړی.
شیخ ادریس د مولانا فضل الرحمن په مشرۍ د جمعيت علمای پاکستان ګوند غړيتوب درلود.هغه وروسته له هغې تر سختو نیوکو لاندې راغی چې، څو ورځې وړاندې یې په یوه بیان کې د پاکستان د پوځ مشر سوله خوښوونکی بللی وو په داسې حال کې چې، د منتقدینو په وینا یې هره ورځ د پاکستاني پوځ له لوري پښتانه په نښه کېږي او په یوه او بله بهانه وژل کېږي.