ګرانه که څو ګرانه په لاس راغلله
بیاهم ښه اسانه په لاس راغلله
زور ته د کافرې مینې وګوره
راغله مسلمانه په لاس راغلله
ستورو یې درک په ځمکه راکړلو
لاړم تر اسمانه په لاس راغلله
نه راتله شیطان ورته لمسون کاوه
خدای کړه مهربانه په لاس راغلله
ځان يې چې زما سترګو کې ولیده
ښکلې شوه حیرانه په لاس راغلله
خیر به دلاس غواړمه چې مات نشي
مسته پهلوانه په لاس راغلله
تا ویل خټکه چې هوښیاره ده
وخته نادانه په لاس راغلله
راشد خټک