تاند، شنبه، د جوزا ۱۰ مه: د لوړو زده کړو وزارت وایي، محمد عثمان بابري د کابل پوهنتون د رئیس په توګه معرفي او دنده یې پیل کړه.
د هغه تر مخه حمیدالله فاروقي، د لوړو زده کړو په برخه کې د ولسمشر سلاکار او د کابل پوهنتون د رییس په توګه دنده ترسره کوله، خو اوس د لوړو زده کړو وزارت چارواکو اعلان وکړ چې محمد عثمان بابري ، د دغه وزارت پخوانی علمي مرستیال او اوسنی سلاکار ، د کابل پوهنتون نوی رییس ټاکل شوی دی.
وزارت د معلوماتو له مخې د دې تر څنګ یې د ترفیعاتو او استخدام پخوانی رئیس او ویاندفیصل امین بیا د تفسیره هاشمي پر ځای د یاد پوهنتون محصلینو چارو مرستیال ټاکل شوی دی او ژر به کار پیل کړي.
تر دې وړاندې حمیدالله فاروقي شاوخوا څلور کاله د کابل پوهنتون رییس و.