تاند، شنبه، د جوزا ۱۰ مه: وسلوالو طالبانو تازه په یوه خپره کړي اعلامیه کې ویلي چې د اروپايي ټولنې د هغه خبرو هرکلی کوي چې په افغانستان کې یې د سولې د وروستیو هڅو ملاتړ کړی، خو له اروپایي ټولنې غوښتنه کوي چې د افغانستان په کورنیو چارو کې لاسوهنه نه کوي.
تازه د اروپايي ټولنې د بهرنیو چارو وزیرانو شورا ویلي چې افغانستان کې نه اسلامي امارت مني او نه یې هم هیڅکله ملاتړ کوي.
طالبانو بیا ویلي، چې اروپايي ټولنه په داسې خبرو د افغانستان په چارو او د افغانانو په ژوند کې لاسوهنه کوي.
اروپايي ټولنه: افغانستان کې نه اسلامي امارت منو، نه به یې ملاتړ وکړو
دوی په اعلامیه کې وایي: ((موږ له امریکا سره د کړي هوکړې ټولو اړخونو ته ژمن یوو او درې ورځنی اوربند مو هم د سولې یوه هڅه او ژمنتیا وه.))
اروپايي ټولنې هم څو ورځې وړاندې ۳ ورځنی اوربند د سولې ریښتینې هڅه بللې وه او په افغانستان کې یې د سولې د ټولو هڅو هرکلی کړی وو.
دوی ویلي وو، چې د جګړې د دواړو لورو له امله دا ډول اقدامات د سولې لپاره د اعتماد فضا رامنځته کوي.
افغان حکومت او اروپايي ټولنې بیا د وسلوالو طالبانو د وروستیو څرګندونو په اړه څه نه دې ویلي.
که اروپايي ټولنه ووايي چې له امارت سره ستونزه نلري بيا به تالبان مننه ترې کوي۔
ظالمانو دا د اروپايي ټولنې اخلاقی مسووليت دي چې د افغانستان په هکله نظر څرګند کړي۔
ټالبان د حماقت په پچه ختلي او د حمارت خوبونه ویني . دوی لا اوبو ته رسېدلي نه دي ، کلوشې یې په لاسونو کې نیولي دي .