تاندـ یکشنبه د تلې ـ میزان ۵مه/ د احصائیې او معلوماتو ملي اداره وایي، د روان ۱۴۰۵ لمریز کال په لومړیو شپږو میاشتو کې ۸۲۷ زره او ۶۰ کسانو ته برېښنايي پېژندپاڼې وېشلې دي.
یادې ادارې ویلي، د دغو پېژندپاڼو تر ټولو ډېري په کابل، هرات، ننګرهار، کندهار او بلخ ولایتونو کې وېشل شوي دي.
د احصائیې ملي ادارې د راپور له مخې، په دې سره د برېښنايي پېژندپاڼو د وېش د بهیر له پیل راهیسې د ټولو وېشل شوو پېژندپاڼو شمېر ۱۸ میلیونه او شاوخوا ۳۰۰ زره ته ورسېد.
دا راپور داسې مهال خپرېږي چې، اوس هم خلک د برېښنایي تذکرو د اخیستو پروسه کې شکایتونه لري او د اسانتیاوو غوښتنه کوي.
د تذکرو یو شمېر اخیستونکي وایي، د دې برخې د کارمندانو د بې پروایئ له امله د ګڼو افغانانو نومونه تذکرو کې ناسم لیکل شوي چې، د نامه سمون یې لوی سردردی غواړي.
یو شمېر نور بیا د دې پروسې د سختیو له امله اوس هم کاغذي تذکرې کاروي او د برېښنایي تذکرو د اخیستو هېڅ پلان نه لري، هغه څه چې باید هر افغان یې ولري.
ما ته په دا شمیر تذکرو ویشل اصلی افغانانو ته باور کول لویه گناه یا کبیره گناه ښکاری!
ځکه د سويډن په یو ښار کی چی د افغان مهاجرو په ١٦٠٠ کسان ژوند کوی ٩٠٠ کسان یی پاکستانیان دی چی تر ٢٠١٢ کال پوری یی په ویاړ سره ویل چی موږ پاکستانیان یو خو له ٢٠١٥ کاله را پدېخوا چی د سویډن او نورو اروپایی هیوادونو حکومتونه پوﺉ شول چی د افغان مهاجرو په نوم اکثریت یی دلته پاکستانیان او حتی یو شمیر ایرانیان راغلي دی نو د دوﺉ په جعلی او تقلبی تذکرو او پاسپورتونو شکمن شول او په ٢٠٢٤ کال کی یی ټول هغه پخوانۍ افغانی جعلی تذکرې او پاسپورټونه بی اعتباره اعلان کړل او شط او ضرب العجل یی تعیین کړ چی په مشخص او ورکړل شوي موده باید د نوی حکومت یعنی د ط\لب امارت له په سفارتونو او کونسلګریو کی( دوبای یا برلین ) کی ځان ته الکترونیکی یا دیجیتالی پاسپورتونه جوړ او زموږ د مهاجرینو ادارو او نورو مقاماتو ته تسلیم کړي. نو اوس همدا پاکستانی وکړي په لوﺉ جنجال کی راګیر شوی دی، ځکه د نوؤ او معتبرو پاسپورتونو او نورو اسنادو د ورکړې او صدور په مقابل کی د ط\لب امارت سفارتونه او کنسلګری صلی او معتبره افغانې تذکرې او یا پخوانی بایومتریک شوی پاسپورتونه او یا د د اصلی اوریجینالې زړې تذکری او پاسپورتونه سریال نمبرونه غواړی، نو همدې شرایطو پاکستانی او ایرانی وګړې له لوﺉ خنډ او مشکل سره مخ کړی او یوازینی چانس او حللاره یی همدا ده چی دوﺉ افغانستان ته سفر وکړی او فقر، اقتصادی او نورو مشکلاتو څخه په استفادې د رشوت، پېژندګلوۍ او یا په مربوطه ادارو کی د پاکستانی وګړو یا پاکستانپلوؤ مامورینو په مرسته الکترونیکی تذکرې او ورپسې افغان الکترونیکی پاسپورتونه ترلاسه او په بهر کی یی د مهاجرینو ادارو ته وړاندی یا تحویل کړې چی دا کار ډېرو پاکستانیانو او ایرانیانو کړی هم دې.
په بهر کی د افغان مهاجرو تر نامه لاندی پاکستانیان او ایرانیان ډېر درانه جرمونه، جنایتونه او غیرقانونی اعمال ترسره کوي چی د افغان په نوم ثبتېږي او د افغان نوم بدېږي، پیسې او نوری ګټی چی ترلاسه کوی هغه ټول پاکستان ته استوي، او پاکستانی استخباراتی او مذهبی کړۍ په هماغه پیسو د افغانستان د ورانۍ د پاره جګړه مارې، مخربې او تروریستی ډلی تمویلوي او او افغانستان ته یی د جګړو او ورانکارۍ لپاره استوي.
خو ما په کابل او نورو ښارونو کی هم ډېر پاکستانیان ولیدل چی د افغان په نوم کار او ژوند کوي چی طبعاً به یی په یؤ ډؤل نه یؤ ډؤل افغانې تذکرې او نور اسناد ترلاسه کړي وي.