تاند (شنبه، د تلې/ میزان ۴ مه) په خیبرپښتوخوا کې نن (شنبه) مازدیګر په یوه ځانمرګي برید کې لږ تر لږه ۱۱ امنیتي ځواکونه وژل شوي او شاوخوا ۳۰ نور ټپیان شوي دي.
د پولیسو او ژغورنې ادارو په وینا، بریدګر د خیبر پښتونخوا ایالت په ډېره اسماعیل خان ولسوالۍ کې د پولیسو پر یوه امنیتي پوسته د چاودېدونکو توکو ډک موټر برید کړی دی.
د خیبر پښتونخوا د بېړنیو خدمتونو ویاند بلال فیضي ویلي، برید د ډېره اسماعیل خان په سیمه کې شوی دی.
د پاکستاني طالبانو تحریک، چې د «ټي ټي پي» په نوم هم پېژندل کېږي، د دغه برید مسوولیت منلی دی.
ټي ټي پي له شاوخوا ۴۰ قبایلي او غیرقبایلي وسلهوالو ډلو جوړه ده او عمده هدف یې د پاکستان د حکومت او امنیتي ځواکونو پر ضد جګړه ده.
په وروستیو کلونو کې په پاکستان کې د وسلهوالو بریدونه زیات شوي او ټي ټي پي د ډېرو بریدونو مسوولیت منلی دی.
رویټرز خبري اژانس وايي چې ټي ټي پي د دې برید مسوولیت منلی دی.
تر دې وړاندې تیره اوونۍ د خیبرپښتونخوا په کواټ کې د پولیسو پر مرکز د یوې چادونې له کبله ۳۱کسان وژل شوي او لسګونه نور ټپیان شوي وو.