تاند/ دوشنبه د وږي ـ سنبلې ۳۰مه/ د افغانستان پخواني ولسمشر حامد کرزي، د پاکستان د پوځي رژیم له لوري د کونړ او پکتیکا ولایتونو پر ځینو سیمو وروستي هوايي بریدونه په کلکه وغندل.
کرزي دغه بریدونه د افغانستان د ملي حاکمیت نقض بللي او د قربانیانو له کورنیو سره یې خپله خواخوږي څرګنده کړې ده.
د افغانستان پخواني ولسمشر د پاکستان اوسني امنیتي ستونزې د افغانستان په اړه د دغه هېواد د ناسمو سیاستونو پایله بللې ده.
هغه له پاکستاني چارواکو غوښتي چې په خپلو سیاستونو بیاکتنه وکړي.
کرزي ټینګار کړی چې پاکستان باید له افغانستان سره په خپلو اړیکو کې د ښه ګاونډیتوب، دوستانه اړیکو او متمدن تعامل لاره خپله کړي.
دا په داسې حال کې ده چې، د پاکستان پوځ یو ځل بیا نن سهار وختي په کونړ او پکتیکا ولایتونو کې پر ملکي ځایونو بمبار کړی چې له امله یې درې تنه وژل شوي او ۴ نور ټپیان دي.
د دې بریدونو په غبرګون کې د طالبانو د حکومت ویاند ویلي چې، د پاکستان پوځي کړۍ په خپل هېواد کې د امنیتي ناکامیو څخه د پام اړولو په موخه یوځل بیا داسې جنایت ترسره کړی چې افغانان به یې مناسب ځواب ورکړي.
د لنډه غرو دستکشه! د افغان طيارو دلاله! ټول افغانستان دې د سمرقندي-کولابي لوچکانو ترستوني تیر کړ….
خیر، تير په هیر: راځه اوس رامخته شه له اول بمبارده ترننه څرګند جنګي جنايتونه دي، له ټولو يې يوه درنه دوسیه د افغانانو په وینو سره دوسیه راجوړه کړه، يو ١٠ کسه حقوق پوهان خو به ٢٠کلن جمهوریت تولید کړي وي، هغوی هم درسره کړه او راشه د ICC نړیوالو جنایتونو محکمې ته، دوسیه د قره قولۍ سره يوځای د محکمې په انګړ ووله او حنجره وشکوه او…
که يې نه شې کولی، کرار کښينه دا غندل مندل دې موږ ته ګټه نه لري، تا ته يې هم نه لري، خلک کونجاړه نه خوري.
لاړ شه غله عبدالله ته شین چای وڅښه.