تاند – د هارورډ او کلیفورنیا پوهنتونونو د څېړو پر اساس، ډېری نارینه پر خپلې مینې په ښکاره اعتراف نه کوي، خو د هغوی د بدن ژبه (حرکتونه)، چلند او ورځني عادتونه ډېر وخت هغه احساسات څرګندوي چې په خبرو یې نه شي ویلی. ارواپوهان وایي، که یو سړی له چا سره ریښتینې علاقه ولري، دا لېوالتیا په طبیعي ډول د هغه په حرکاتو او چلند کې ښکاره کېږي، که څه هم هر انسان له بل سره توپیر لري.
د مَین سړي ځینې مهمې نښې دا دي:
- پرلهپسې او ژورې کتل: هغه هڅه کوي تاسې ته ډېر وګوري او د خبرو پر مهال سترګې په سترګې وي.
- تل موسکی کوي: کله چې تاسې وویني، بېاختیاره موسکا کوي او خوشحالي یې په څېره کې ښکاري.
- بدن ستاسي لوري ته اړول: د خبرو پر مهال یې اوږې، پښې او د بدن لوری ستاسې پر خوا وي، چې د علاقې نښه ګڼل کېږي.
- په خبرو کې بشپړه پاملرنه: ستاسې خبرې په دقت اوري، کوچني جزئیات یې هم په یاد ساتي او وروسته یې یادونه کوي.
- د نژدې کېدو هڅه: هڅه کوي په بېلابېلو پلمو ستاسې ترڅنګ کښېني یا درته نژدې ودرېږي.
- د مرستې لپاره چمتووالی: که اړتیا ولرئ، پرته له غوښتنې د مرستې لاس در غځوي.
- ستاسې د خوښیو په اړه پوښتنې: هڅه کوي پوه شي څه شی مو خوښېږي او څه مو نه خوښېږي.
- له تاسې سره د وخت تېرولو لېوالتیا: په هر فرصت کې غواړي له تاسې سره خبرې وکړي یا وخت تېر کړي.
- ستاسې ستاینه: نه یوازې د ظاهري بڼې، بلکې د شخصیت، وړتیاوو او لبریاوو ستاینه هم کوي.
- د راتلونکي یادونه: کله ناکله د راتلونکو پلانونو په اړه داسې خبرې کوي چې تاسې هم پکې شامل یاست.
د بدني ژبې نورې نښې
- د خبرو پر مهال سر لږ ستاسې خوا ته ټیټوي.
- د سترګو کسی یې د لیدو پر مهال پراخېږي.
- د ویښتانو، کمیس یا ساعت په سمولو لاس وهي، ځکه غواړي ښه ښکاره شي.
- ستاسې د حرکاتو تقلید کوي، لکه د ناستې یا خبرو کولو طریقه.
مهمه یادونه
یوازې یوه یا دوې نښې د مینې قطعي ثبوت نه دي. ځینې خلک په طبیعت کې دوستانه، مهربان یا ټولنیز وي. د ریښتینې علاقې د ارزونې لپاره باید د هغه د چلند دوام، ثبات او د درناوي، پاملرنې او ژمنتیا مجموعي بڼه په پام کې ونیول شي، نه یوازې د بدن ژبه.