تاند (سې شنبه، د غويي/ ثور ۲۲ مه) د بنګله دېش د کرکټ ملي لوبډلې، پاکستان ته په ټېستلوبه کې د ۱۰۴ منډو په توپیر ماته ورکړه.
د دواړو ټیمونو دا لومړۍ ټیستلوبه د پاکستان په کوربه توب په میرپور کې وشوه.
بنګالي لوبغاړو د مسابقې په لومړۍ پاڼۍ (اننګز) کې ۴۱۳ منډې وکړې، په مقابل کې یې پاکستان ۳۸۶ منډې وکړې. د بنګله دې ټیم په دوهمه پاڼې کې د لومړۍ پاڼۍ په شان ډېرې منډې ونه کړې خو بیا یې هم ۲۴۰ منډې وکړې. د پاکستان د لوبډلې ټول لوبغاړي په دوهمه پاڼۍ کې په داسي حال کې وسوځېدل چې ټولټال یې ۱۶۳ منډې کړې وې.
ټاکل شوې ده چې دواړه ټیمونه د روانې مې په ۱۶ مه په دوهمه ټیستلوبه کې مخامخ شي.