تاند(شنبه د ثور ـ غویي ۱۹مه) د رزمي لوبو افغان لوبغاړی واحدالله نژند، نن شپه له ارجنټایني سیال سره د مبارزې ډګر ته داخلیږي.
دا مبارزه د اف اېن سي سازمان د سیالیو په لړ کې د کروشیا په کوربتوب ترسره کېږي.
دغه سیالي به د ۷۷ کیلوګرام وزن په کټهګورۍ کې د نژند او د هغه د ارجنټایني سیال ترمنځ ترسره شي.
نژند له ۱۰ بریاوو او یوازې ۲ ماتو لرونکي ریکارډ سره دې مبارزې ته داخلیږي، په داسې حال کې چې، د هغه سیال ستاروپولي، په خپله کارنامه کې ۱۳ بریاوې او ۷ ماتې لري.
دا مبارزه د نژند لپاره یو مهم فرصت دی، څو په مسلکي سیالیو کې خپل مقام لوړ او یوه بله ارزښتناکه بریا ترلاسه کړي.
الله تعالی دې ستره بريا ورکړي. الله تعالی دې یې خپل سيال ته هېڅکله پاتې نه لري.