تاند ( شنبه د غویي ـ ثور ۱۹مه) د امریکا د انرژۍ وزارت اړوند د ملي اټومي امنیت ادارې (NNSA) اعلان کړی چې، له وینزویلا څخه یې ټول پاتې غني شوي یورانیم وړي دي.
د رسنیو د راپورونو له مخې دا هغه مواد چې د اټومي وسلو په جوړولو کې ترې کار اخیستل کیږي.
د امریکايي چارواکو په خبره، ۱۳.۵ کیلوګرامه لوړ غني شوي یورانیم د وینزویلا له یوه پخواني څېړنیز ریکټور څخه را ایستل شوي او د سمندر او ځمکې له لارې امریکا ته لېږدول شوی دی.
دغه عملیات د امریکا، بریټانیا، وینزویلا او د اټومي انرژۍ نړیوالې ادارې (IAEA) په همکارۍ ترسره شوي دي.
امریکا ویلي، دا ګام د اټومي «ترهګرۍ» د خطر کمولو او د نړۍ د امنیت د پیاوړتیا لپاره مهم بلل کېږي.
یاد یورانیم اوس د امریکا د ساوانا ریور مرکز ته لېږدول شوی څو پروسس او بیا وکارول شي.