تاند (سه شنبه د ثور/ غويي ۸مه) د جرمني شپیګل ورځپاڼې په یوه تازه راپور کې ویلي چې، د جرمني حکومت تېره شپه د افغان کډوالو یوه بله چارتر الوتکه کابل ته راستولې ده.
شپیګل ورځپاڼې زیاته کړې چې جرمني د افغان کډوالو د بېرته استولو تګلاره روانه ساتلې ده.
تر دې وړاندې اروپايي کمیسیون ویلي و چې افغانستان کې د طالبانو له حکومت سره د افغان کډوالو د بېرته راستولو په اړه بلجیم کې خبرې کوي.
یاد کمېسیون ویلي وو چې، د دې لپاره به یو افغان پلاوی هلته ور و غواړي.
د اروپايي هېوادونو په باور دا هغه کډوال دي چې په دغو هېوادونو کې یې جرمونه کړي او د قانون له مخې لازم ګڼل شوي چې باید وویستل شي.
تر اوسه طالب چارواکو په رسمي ډول د دې کډوالو د راتګ او دلته یې د برخلیک په تړاو څه نه دي ویلي.
په لندن کې یوه افغان پر ۲ تنو د چاقو په وسیله پر حملو اعتراف وکړ