تاند (جمعه د وري – حمل ۷مه) لغمان کې د طالبانو د حکومت پېښو سره د مبارزې او چمتووالي ریاست ویلي، چې د دغه ولایت د الیشنګ ولسوالۍ په ګمبه کلي کې د سختو ورښتونو له کبله د یوه کور چت پرېوتی دی.
یاد ریاست زیاته کړې چې، په دې پېښه کې ۴ کسان ژوبل شوي دي.
سرچینه زیاتوي چې، د یادې پېښې ژوبل کسان روغتیایي مرکز ته لېږدول شوي او وایي چې له زیانمنې کورنۍ سره به لومړنۍ مرستې وکړي.
په هلمند کې د یوه کور د چت نړېدو له امله ۹ کسانو ته مرګ ژوبله اوښتې
پرون (چهارشنبه د وري – حمل ۵مه) بیا په هلمند ولایت کې د یوه کور چت نړېدلی وو چې له امله یې ۳ کسانو ژوند بایللی وو او ۶ نور ژوبل شوي وو.
په دغه پېښه کې ماشومان او مېرمنې شاملې وې.