تاند (چهارشنبه د وري – حمل ۵مه) په هلمند ولایت کې ځایي مسوولان وایي، په دې ولایت کې د یوه کور چت نړېدلی چې له امله یې ۳ کسانو ژوند بایللی ۶ نور ژوبل شوي دي.
دغه پېښه د سنګین په ولسوالۍ کې رامنځته شوې ده.
یاد ولایت کې د طالبانو د اطلاعاتو او کلتور ریاست مرستیال مولوي شیر محمد وحدت نن چهارشنبه رسنیو ته ویلي چې، دا سه شنبه د شپې ناوخته د سنګین ولسوالۍ «امانالله کاریز» سیمه کې پېښه شوې ده.
وحدت وویل، په مړوکې دوه ماشومانو او یوه ښځه شامله ده او ژوبلوکې هم ښځې او ماشومان شته.
د سرچینې په وینا ژوبل کسان د سنګین ولسوالۍ مرکزي روغتون ته لېږدول شوي دي. د روغتیايي مسوولانو په وینا، د ژوبلو وضعیت دامهال د ډاډ وړ دی.
طالب چارواکي له خلکو غواړي چې د دوامداره ورښتونو پرمهال احتیاطي تدابیرو ته پام وکړي.