تاند (چهارشنبه د کب – حوت ۱۳مه ) د ۲۰۲۶ کرکټ نړیوال جام په لومړۍ نیمه پایلوبه کې نیوزیلنډ کرکټ ملي لوبډلې د جنوبي افریقا لوبډلې ته په ماتې ورکولو سره پایلوبې ته ووته.
نیوزیلنډ دغه لوبه د ۸ ویکټو په توپیر وګټله.
په دې لوبه کې:
افریقا لومړی توپوهنه وکړه او په ټاکلو شلو اورونو کې یې سیالې لوبډلې ته د ۸ ویکټو په زیان ۱۷۰ منډو هدف ورکړ. افریقا لپاره جانسن ۵۵ تر نورو ډېرې ناسوزېدلې منډې وکړې.
توپ اچونه کې بیا روندرا، کول او هانري د افریقا ۲ ـ ۲ لوبغاړي وسوزول.
نیوزیلنډ لوبډلې ټاکل شوی هدف د یوه لوبغاړي په زیان پوره او د فین اېلن په سلیزې یې جنوبي افریقا ته ستره ماته ورکړه.
نیوزیلنډ لومړنۍ لوبډله شوه چې، پایلوبې ته رسېږي.
سبا پنجشنبه ماښام بیا دوهمه نیمه پایلوبه د انګلنډ او هند لوبډلې ترمنځ ترسره کېږي او ګټونکې لوبډله به له نیوزیلنډ سره پایلوبه کې مخ کېږي.