تاند (جمعه، د کب/ حوت 8 li( د ملي دفاع وزارت هوايي ځواکونو نن غرمه شاوخوا یولس بجې په اسلام اباد کې فیض اباد ښار ته نژدې نظامي کمپ، نوښار کې د پوځ کینټ، جمرود پوځي کالوني، او ایبټ اباد کې هوايي بریدونه وکړل.
د پاکستان د اطلاعاتو وزیر عطاالله تارړ په نوښار، ایبټ اباد او صوابۍ کې د ډرون بریدونه تایید کړل.
تارړ په عین حال کې ویلي چې دا بریدونه فتنه الخوارج ګړي چې د پاکستان پوځ ټي ټي پي ته دا نوم کاروي.
ده همداراز ویلي چې د بې پېلوټه الوتکو بریدونه یې شنډ کړي او هغه یې غورځولي دي.
خو ډان ورځپاڼه وايي چې په دې بریدونو کې یوه ماشومه په صوابۍ کې وژل شوې او یو شمېر نورې ټپیانې شوې دي.
ډان پر پوځي مرکزونو د بریدونو د مرګ ژوبلو یادونه نه ده کړې.
د افغانستان دفاع وزارت وايي چې دا بریدونه یې پر کابل د پاکستان د تیرې شپې د هوايي برید په ځواب کې کړي دي.