تاند (پنج شنبه د کب – حوت ۷مه) د طالبانو د حکومت مرستیال ویاند حمدالله فطرت وايي، د افغان ملي امنیتي ځواکونو له خوا پر پاکستاني ملېشو د بریدونو له امله ۴۰ پاکستاني عسکر وژل شوي دي.
فطرت تازه په خپله اېکسپاڼه لیکلي چې، دغه بریدونه نن شپه اته بجې د ننګرهار په ګډون په یو شمېر ولایتونو کې چې له پاکستان سره پوله لري پيل شوي دی.
هغه تازه پر خپل ایکس لیکلي چي، د هغوی شاوخوا ۱۷ پوستې هم سقوط سوي او ګڼ شمېر نظامي مهمات او تجهیزات د دوی د ځواکونو لاس ته ورغلي دي.
د فطرت په وینا، لا هم په پکتیا، خوست، ننګرهار، کنړ او د نورستان ځینو سیمو کي پر پاکستاني لوري انتقامي عملیات روان دي.
تر دې وړاندې په ختیځ کي د طالبانو د ۲۰۱ خالد بن ولید قول اردو ویاند وحیدالله محمدي ویلي وو چې، تر دا مهاله ئې په ننګرهار او کنړ کې د پاکستاني ځواکونو ۱۰ پوستې سقوط کړي او د پاکستاني ځواکونو ۱۲ جسدونه ئې ترلاسه کړي دي.
ذبیح الله مجاهد بیا ویلي وو چې، پر پاکستاني پوځي رژیم د بریدونو عملیاتو کې لېزري ځواکونو هم برخه اخستې او پاکستاني ملېشه ئې په نښه کړي دي.
مجاهد خبرداری ورکړی چې د هر برید ځواب به ورکوي.
ذ.مجاهد: د پاکستان پر وړاندې ځوابي بریدونو کې ۱۵ پاکستانۍ پوستې نیول شوي
د تاند ملي دریځ واقعا د ستایلو دی.
زما یوه غوښتنه ده چې د افغانستان حکومت یوازې د تالبانو حکومت په نامه مه یادوئ. د افغانستان سرپرست حکومت په نامه که یاد شي د دواړو په کې پرده ده یعنې هم د حکومت پرده ده او هم د ولس. مننه