تاند ( شنبه د سلواغې ـ جدي ۱۱مه) د افغانستان د کرېکټ ملي لوبډلې د شل اوره فارمټ لوبډلمشر راشد خان نیمه پای لوبې ته د ۱۹ کلنو ملي لوبډلې د رسېدو په تړاو خوښي څرګنده کړې ده.
راشد خان په یوه پیغام کې له همدې امله ټولو هېوادوالو او د کرکټ مینه والو ته مبارکي ویلې.
هغه زیاته کړې چې افغان ځوانو لوبغاړو په سیالیو کې پیاوړې او اغېزمنه لوبه ترسره کړه.
د افغانستان ۱۹ کلنې ملي لوبډلې تېره شپه د ایرلنډ پر وړاندې په ستر توپیر بریا خپله کړه او له دې لارې یې د نړیوال جام نیمه پایلوبې ته لاره وموندله.
ټاکل شوې ده چې افغانستان به په نیمه پایلوبه کې له هند سره مخامخ شي.