تاند ( پنج شنبه د سلواغې ـ دلوې ۹مه) د اسلام آباد یوې محکمې د خیبرپښتونخوا د وزیر اعلی، سهیل اپریدي د نیولو او محکمې ته د کشولو امر ورکړی دی.
د محکمې په وینا سهیل اپريدي د پاکستان پر ادارو د تېروتنو تورونه لګولي دي.
محکمې ویلي، چې د دې تورونو له امله نوموړی باید د قانون له مخې محاکمه شي، خو محکمې ته نه دی حاضر شوی.
د پښتونخوا حکومت تر اوسه په دې تړاو غبرګون نه دی ښودلای.
یادې محکمې د راتلونکې فبروۍ ۱۰مه محکمې ته د سهیل اپریدي د حاضرېدو نېټه ښودلې ده.
دغه حکم په داسې مهال صادرېږي چې، سهیل افریدي په تیرا او نورو سیمو کې د پاکستاني پوځ له عملیاتو سره کلک مخالفت ښودلی دی.
په یادو عملیاتو کې د وروستیو مالوماتو له مخې تر ۷۰ زره ډېر پښتانه کډوال شوي دي.
تر دې وړاندې د پښتونخوا د پخواني وزیر اعلی، علي امین ګنډاپور د نیولو حکمونه هم ورکړل شوي وو.
هو هر یو چې دپنجاب نه خوښيږي هغه به له منځه ځي ! پښتانه باید له مزخرافتو لرې او سیاسی شعور پيدا کړي ! د پنجاپ دا څپېړه زما په مخ ولګېده !!