تاند ( پنج شنبه د سلواغې ـ دلوې ۹مه) له تېرو څو ورځو راهیسې د طالبانو اړوندو تبلیغاتي شبکو او یو شمېر ټولنیزو اکاونټونو داسې خبرونه خپاره کړل چې، ګواکې زلمي خلیلزاد ویلي، نړیوال به ډېر ژر طالبان په رسمیت وپېژني.
زلمي خلیلزاد دا ادعاوې رد کړې او ویلي یې دي چې دغه راپورونه “جعلي” دي.
نوموړي د همدې اوازو په تړاو یوه طالب ته لیکلي چې دا خبر ناسم او جعلي دی.
په ورته مهال د جمهوري نظام والي حلیم فدايي ویلي، طالبان د خلیلزاد له نوم او ادرس د سیاسي تبلیغاتو لپاره استفاده کوي او د جعلي او اصلي اکاونټونو له لارې ناسم معلومات خپروي.