تاند ( یکشنبه د مرغومي ـ جدي ۲۸مه) د افغانستان له ۱۹ کلنو کمعمره ملي لوبډلې د نړۍوال جام په لړ کې خپله دویمه لوبه له ویسټانډیز وګټله.
افغانستان لومړی توپ وهنه وکړه او په ټاکلو پنځوسو اورونو کې یې د ۶ لوبغاړو په زیان سیالې لوبډلې ته د ۲۶۲ منډو هدف ورکړ.
عثمان سادات ۸۸ او محبوب تسکین ۸۶ لوړې منډې وکړې.
نننۍ لوبه کې د ویسټانډيز لوبډلې ونشو کولی د افغان لوبډلې ۲۶۳ منډې هدف پوره کړي او خپل ټول لوبغاړي یې په ۳۴م اور کې په ۱۲۴ منډو له لاسه ورکړل.
په توپاچونه کې نن د افغان لوبډلې په ګټه، وحید ځدراڼ او خاطر ستانکزي درې – درې او نورستاني څلور لوبغاړي وسوځول.
افغانستان خپله لومړنۍ لوبه له سویلي افریقا ګټلې وه، چې په کې عزیرالله نیازی د لوبې غوره لوبغاړی راغلی وو.