تاند ( یک شنبه د مرغومي – جدي ۱۴مه) نړیوالو رسنیو په خپلو راپورونو کې ویلي، چې د بنګله دېش کرکټ بورډ هڅه کوي په راتلونکي شل اوریز نړیوال جام کې خپله لوبه له هند څخه بل هېواد ته ولېږدوي.
سرچینې وایي چې، د بنګله دېش کرکټ بورډ دغه پرېکړه وروسته له هغه کړې، چې د دوی لوبغاړی مستفیض الرحمن د ایپياېل لوبو څخه و ایستل شو.
د کلکتې نایټ رایډرز لوبډلې پرون شنبه، د جنوري ۳مه ومنله چې دوی د BCCI څخه د رسمي امر ترلاسه کولو وروسته مستفیض الرحمن له خپلې لوبډلې ایستلی دی.
دا اختلافات په داسې حال کې رامنځته کېږي چې ټاکل شوې ده بنګله دېش راتلونکې میاشت هند ته د شل اوریز نړیوال جام درېیو لوبو لپاره لاړه شي.
د هند او بنګله دېش ترمنځ کړکیچ ،تېره میاشت، د بنګله دېش په میمن سینګ ولسوالۍ کې یو هندو کارګر دیپو چندرا داس په وژل کېدو رامنځته شو.
د پیښې وروسته ۱۲ کسان ونیول شول.
د اياسپي کریک نفو رسنۍ د معلوماتو له مخې، د مستفیض الرحمن د لرې کولو وروسته د بنګله دېش کرکټ بورډ یوه بېړنۍ غونډه کړې او پلان لري چې، د کرکټ نړیوالې شورا څخه په یوه لیک کې د ځای د بدلون غوښتنه وکړي.
تېرکال د کرکټ نړیوالې شورا د هند ملي لوبډلې ته اجازه ورکړه چې د هند او پاکستان ترمنځ د خرابو اړیکو له امله په متحده عربي اماراتو کې د چمپینز ټرافي لوبې وکړي.
د یادولو ده چې بنګله دېش د شل اوریز نړیوال جام ګروپي پړاو لوبې د ویسټ انډیز، انګلستان او ایټالیا په وړاندې په کلکته کې او د پړاو وروستۍ لوبه په ممبۍ کې د نیپال پر وړاندې ترسره کړي.