تاند ( چهارشنبه د مرغومي ـ جدي ۱۰مه) د پښتون ژغورنې غورځنګ مشر منظور احمد پښتین پر خپله فیسبوک پاڼه لیکلي چې، ۲۰۲۵ کال د پښتنو لپاره ویرجن کال وو.
هغه زیاتوي چې، په ۲۰۲۵ زیږدیز کال کې په پښتونخواه کې د پاکستاني پوځ بې پیلوټه الوتکو بریدونه، پوځي عملیات، پي ټي ایم غړو نیونه، افغان کډوال جبري ایستنه او د افغانستان بې ګناه ولسي وګړو د پاکستان هوايي بریدونه ترهګریز عمل او ناوړه تګلارې ګڼلې دي.
پښتین دغه راز لیکلي چې په ۲۰۲۵ زیږدیز کال کې د پښتون ژغورنې غورځنګ مخکښو غړو وژنې او ګڼو نورو زنداني کېدو په دوام هم دغه غورځنګ خپل وس مبارزه او دعوه د ملت له ملاتړ سره ژوندۍ ساتلې ده.
پښتین داسې مهال دا څرګندونې کوي چې، ۲۰۲۵ کال د پښتون ژغورنې د یو شمېر غړو په باور پښتین لپاره له فشاره ډک او د مبارزې سخت کال وو.
دوی وایي تر هغې به خپلې مبارزې ته دوام ورکوي څو یې د پښتنو حقونه له پاکستاني ریاست څخه نه وي ترلاسه کړی.