تاند – د ایټالیا د صدراعظمې جورجیا میلوني او د موزمبیق د ولسمشر ډینییل چاپو د لیدنې عکسونه پر ټولنیزو رسنیو ډېر ژر وایرل شوي دي.
دا لیدنه د پنجشنبې په ورځ د ایټالیا د روم ښار په «پلازو کیجي» ماڼۍ کې وشوه، چې د دواړو مشرانو په قد کې غیرمعمولي توپیر د ټولو پام ځانته واړاوه.
په دې کتنه کې د انرژۍ، سوداګرۍ او دوهاړخیزو همکاریو په څېر په مهمو موضوعاتو خبرې وشوې، خو د سیاسي اجنډا پر ځای د دواړو مشرانو د قد توپیر په رسنیو او ټولنیزو شبکو کې تر ټولو ډېر بحث راوپاروه. کله چې کامرې د دې لیدنې شېبې ثبتولې، د جورجیا میلوني پر څېره د حیرانتیا نښې څرګندې وې.
Ho ricevuto oggi a Palazzo Chigi il Presidente della Repubblica del Mozambico, Daniel Francisco Chapo.
In particolare il colloquio, nel ricordare il cinquantesimo anniversario dell’indipendenza mozambicana e dello stabilimento delle relazioni diplomatiche, ha confermato la… pic.twitter.com/hI8kH3pFfO
— Giorgia Meloni (@GiorgiaMeloni) December 11, 2025
د ایټالیا د صدراعظمې او د موزمبیق د ولسمشر ګډ عکسونه د قد روښانه توپیر ښيي، چې له امله یې د ټولنیزو رسنیو کاروونکو بېلابېل غبرګونونه او تبصرې پیل کړې.
د موزمبیق ۴۸ کلن ولسمشر ډینیئل چاپو قد شاوخوا ۶ فټه او ۸ انچه دی، په داسې حال کې چې د ایټالیا د لومړۍ وزیرې جورجیا میلوني قد نژدې ۵ فټه او ۲ انچه دی.