تاند ( چهارشنبه د لیندۍ ـ قوس ۲۶مه) د قرغزستان د اقتصاد او سوداګرۍ وزیر په مشرۍ لوړپوړی پلاوی د کابل او بیشکک ترمنځ د دوه اړخیزو اقتصادي همکاریو پراختیا او د سوداګرۍ او پانګونې کچې لوړولو په موخه کابل ته راغلی.
د طالبانو د صنعت او سوداګرۍ وزارت ویلي، یاد پلاوي کې د سوداګرۍ، انرژي او ټرانسپورټ وزارتونو معینان او د خصوصي سکټور یو شمېر استازي شامل دي.
یاد پلاوی به د خپل سفر په جریان کې د طالب چارواکو سره په کتنو سربېره د سوداګریز تواصل کنفرانس او دوه اړخیزو سوداګریزو ناستو کې هم ګډون وکړي.
دغه سفر د صنعت او سوداګرۍ وزیر په رسمي بلنه او قرغزستان ته د طالب پلاوو د سفر پر دوام شوی دی.