تاند (چهارشنبه د لیندۍ ـ قوس ۲۶مه) ټاکل شوې د افغانستان د کرکټ تر ۱۹ کلنو کم عمره لوبډله نن له خپل سيال نیپال لوبډلې سره لوبه ترسره کړي.
دغه لوبه د اسیا تر ۱۹ کلنو کم عمره کرکټ جام سیالیو په لړ کې ترسره کېږي.
د دغو سیالیو کوربهتوب متحده عربي امارات کوي.
افغانستان په «ب» ګروپ کې له بنګلهدېش، نیپال او سرېلانکا سره یوځای دی، په داسې حال کې چې په «الف» ګروپ کې هند، پاکستان، متحده عربي امارات او مالیزیا شامل دي.
دا د افغانستان د لوبډلې په روانو سیالیو کې درېیمه لوبه ده.
افغان لوبډلې تر دې وړاندې له بنګلهدېش او سرېلانکا سره لوبې کړي، خو دواړه یې بایللې دي.
افغان لوبډله په دې لوبو کې له مخکې تګه پاتې شوه.