تاند ( چهارشنبه د لیندۍ ـ قوس ۲۶مه) د رسنیو د راپورونو له مخې د فوټبال نړیوال ستوري لیونل میسي یوازې د هند له درې ورځني تبلیغاتي سفر څخه ۲۰ میلیونه ډالر عاید ترلاسه کړ.
راپورونه لیکي چې دا له هغه پیسو هم زیات دي چې، نوموړي د امریکا په وروستیو درې لیګونو کې ګټلې دي.
میسي د هند په څلورو ایالتونو کې د مینوالو سره ولیدل، افتتاحیه مراسمو ته ولاړ، او VIP لیدنې یې وکړې.
نوموړي له همدې فعالیتونو دا لوړ عاید ترلاسه کړ.
خو بل لورته بیا د میسي مینه وال د هغه په نه لیدو خفه او غوغا یې جوړه کړې وه.