تاند ( شنبه د لیندۍ ـ قوس ۲۲مه) د طالبانو د حکومت د کانونو او پټرولیم وزارت وایي، د تاجکستان یو شمېر پانګوالو په افغانستان کې د سیمنټو پر تولید پانګونې ته لېوالتیا ښودلې ده.
دغه وزارت په یوه خبرپاڼه کې ویلي چې، هغوی د یوې لیدنې پر مهال د کانونو او پټرولیم له وزیر هدایت الله بدري سره په دې اړه خبرې کړې دي.
سرچینې ویلي چې، چمتو دي څو په دې هیواد کې په افغانستان کې د سیمنټو پر تولید پانګونه وکړي.
طالب وزیر د هغوی د پانګونې هرکلی کړی او د هر ډول همکارۍ ډاډ یې ورکړی دی.
دا خبر داسې مهال خپرېږي چې، په دې وروستیو کې له پاکستان سره د سوداګرۍ تر بندیدو وروسته هېواد کې د سمنټو بیې ډېرې لوړې شوې.
اوس یو ځل بیا د نورو سوداګریزو لارو تر پرانیستل کېدو وروسته د سیمنټو بیې راټیټې شوي او د کارپوهانو په باور کې تاجکستان دا ژمنه پوره کړي، ژر به بیې نورې هم ټیټې شي.