تاند ( چهارشنبه د لیندۍ ـ قوس ۵مه) د ملګرو ملتونو مرستندویه ماموریت یا یوناما پر افغانستان د پاکستان د یرغل غبرګون کې ویلي، چې د ملکي وګړو خوندیتوب نړیوالو قوانینو ته باید درناوی وشي.
یوناما د پاکستان د وړمې شپې د بریدونو له امله د مرګ ژوبلې شمېر ۱۶ تنه ښودلی، خو د طالبانو چارواکي وايي، چې شمېر یې ۱۴ تنه دی.
یوناما ویلي، چې د قربانیانو زیات شمېر یې ماشومان دي.
دا په داسې حال کې ده چې پاکستان د افغانستان پر هوايي حریم د تېري او دلته د ملکي وګړو د وژلو له عمل انکاري شوی دی او ویلي يې دي چې دا بریدونه دوی نه دي کړي.
طالبانو بیا دا د پاکستان د پوځ جنایت بللی.
ذبیح الله مجاهد ویلي دي، چې په مناسب وخت کې به لازم ځواب ورکړي.